Psa 130 | KYC | STEP | Namba randa sepala kata mende see napyasa panya saka napala Kamongo emba kee leto.

Psalms 130

Nyisinya Lao Ateŋa Doko

1 Namba randa sepala kata mende see napyasa panya saka napala
Kamongo emba kee leto.
2 Namba ee lao karo doko Kamongo embame sakape.
Nyisapili lao kyakale leto doko kaleyukupala sepe.
3 Embame namwana koo dupwa peparae bukunya pyao reteeli
apimi kumungi renge doko wanjiyalisi?
4 Doko daa ingilyamo dokona embame nyuo kame sakarenepa
namwa embame lasarene lao suu suu pyao karamanale.

5 Namba Kamongome banya pii dokona letamodoko kinyi lao sepala
nyisaramo dokona wangu lakapala isaro karo. ^{▼▼Nambame Kamongo doko epena lao isarokarapu. (130:6)}
6 Yuu isingi akalimi yuu yangena lao isaro karelyaminyipape
nambame Kamongo doko epena lao isaro karapu doko
mee mende andarele ingilyamo.

7 Nakama Isaraele wambu dupwame Kamongome nakama mona reto karalu karapala
baa yuu peparae nyisalana rae maipala nyiso karamo dokona
nakama Kamongo Anatu baa keta pyamalyuo karalapape.
8 Baame banya Isaraele wambu dupwa
nakamana koo dupwana nenge rekya lao nyera.